Beste Overberg Agri-kliënte
2020 was op verskillende terreine ’n moeilike jaar, maar deur die genade van God is ons dankbaar dat ons besigheid kon volhard. Ten spyte van al die uitdagings wat ons vanjaar ervaar het, was daar verskeie opmerklike gebeure wat hoop vir ons bedryf aandui.
As gevolg van die beter klimaatstoestande in die Overberg Agri-bedieningsgebied in 2020 sal die Wes-Kaap na verwagting een van die grootste wintergraan‑, gars‑ en kanola‑oeste in die onlangse geskiedenis aankondig. Die huidige pryse is ook op hoër vlakke as gedurende die afgelope paar seisoene, wat na verwagting die ekonomiese groei in die landelike gebiede sal stimuleer. Nadat die Agbiz/IDC‑Agrisakevertroue‑indeks vir landboubesighede boonop noemenswaardig tot 51 punte in kwartaal drie van 2020 herstel het, het dit verder tot 61 punte in kwartaal vier gestyg, die hoogste vlak sedert kwartaal drie van 2014.
Mag ons hierdie feestyd volhard om aan die hoop vas te hou – hoop op ’n beter môre en hoop op ’n voorspoedige 2021. Die tydlose waarheid van die Bybel herinner ons daaraan dat ons hoop nie afhang van die waarborg dat die son more gaan opkom nie, maar van die betroubaarheid van die opgestane seun.
Namens ons uitvoerende span wens ek u en u gesin ’n geseënde Kersfees en ‘n wonderlike nuwe jaar toe, gevul met vreugde, sukses en goeie gesondheid.
Ek sien daarna uit om in 2021 met u saam te werk.
Vriendelike groete
Francois Joubert
Besturende Direkteur: Overberg Agri
