Op 17 Maart 2022 het Ray Rademan, heelgoedere bemarker van Overberg Agri op Caledon, ‘n groepie kliente en belangstellendes na die Equalizer planterfabriek in Brackenfell op ‘n inligtings- en besigtigingstoer geneem.
Die toer is begin met Gideon Schreuder, MD van Equalizer, wat die verwelkoming gedoen het en ‘n kort oorsig van die maatskappy se vordering vanaf ‘n klein begin tot die geweldige suksesvolle internasionale maatskappy wat dit vandag is. Tans voer Equalizer koringplanters uit na lande soos Australie en ander afrika lande en mielieplanters na Rusland en Ukraine.
Bert Badenhorst en Le Roux van Wyk van Equalizer het die toergroep toegespreek en die ontwerp en vervaardigings prosesse verduidelik. ‘n Vraag en antwoord het gevolg en baie belangrike en interressante aspekte is bespreek en verduidelik.
‘n Baie insiggewende en interressante toer deur die fabriek, vervaardigings afdeling en onderdele het gevolg. Die kliente kon die hele proses sien hoe die planters gebou word. Elke afdeling se toesighouers het die toergroep verduidelik wat op sy afdeling gebeur en hoe die prosesse volg.
Die toer is afgesluit deur ‘n ligte middagete.
