Ons is bitter opgewonde om jou uit te nooi na ons jaarlikse Boeredag wat op 21 September by ons Roodebloem-proefplaas plaasvind. En met Vroue-maand wat tot ‘n einde kom, is ons trots om aan te kondig dat Lourensa Eckard, van die gewilde kykNET program, In Gesprek!, by ons sal aansluit as geleentheidspreker. Eckard, die Afrikaanse TV-verslaggewer en nuusanker, sal om 11:00 ‘n spesiale aanbieding, “Landbou en politiek: wat hou die toekoms in” met ons deel. Registrasie skop 09:30 af met koffie, tee en verversings. Na ‘n ligte middagete om 12:10, is daar talle gewas- en statiese demontrasies tot en met 17:30 wanneer ‘n vroeë aandete bedien sal word. Om meer uit te vind oor ons Boeredag, kontak vir Ruben Badenhorst by rubenb@overbergagri.co.za of 076 697 6159.
