Handel en landbou insette

Ons kleinhandelvoetspoor sluit 19 afsetpunte in die vernaamste landboustreke van die Overberg, Swartland en Oos-Kaap in. Die kernkleinhandelaanbod voorsien in die primêre produksie-insetvereistes van ons uitgebreide kliëntebasis.

Ons kleinhandelafdeling hou ook ’n wye verskeidenheid boumateriaal, gespesialiseerde besproeiingstoerusting en buitelugleefstylprodukte aan.

Ons kleinhandelafdeling roem op sy uitsonderlike dienslewering, wat op goeie verhoudings met sy kliënte en verskaffers berus. Voortdurende kontak met kliënte in die veld verseker dat verkoopsagente in voeling bly met kliëntebehoeftes, terwyl die gesentraliseerde aankoopafdeling dit moontlik maak om hipertegnologiese oplossings en landbouprodukte van ’n hoë gehalte teen mededingende pryse te bied.