Hoe verbeter ’n mens ’n masjien wat die toon aangee vir spoed en produktiwiteit in die bedryf? Jy doen dit deur die grense selfs verder te versit, soos om elke model meer perdekrag te gee, operateurs ’n gemakliker rit te bied met ’n splinternuwe veringstelsel, en werkverrigting op die landery ’n hupstoot te gee met beter snykopbeheer.
Watter voordele bied die MacDon M155 selfaangedrewe platsnyer?
Kragtiger met Cummins
Platsnyers in die M-reeks het aansienlik meer perdekrag noudat elkeen met ’n Cummins-enjin spog. Sowel die M155 as M105 het boonop meer oemf danksy hulle eie nuwe Cummins-vlak 3-enjins.
Ongeëwenaarde gewasvryruimte
Die raam van die M-reeks bied ’n wye wielstand en ’n onversperde, ongeëwenaarde ondervryruimte van 45,7″ (1 160 mm) om bosagtige gewasse te sny.
Vinniger op die landery, vinniger tussen landerye én vinniger tuis
MacDon se gepatenteerde Dual Direction®-tegnologie (model M205 en M155) laat jou binne sekondes na padmodus oorskakel om snelhede van tot 23 MPH (37 km/h) te bereik. Boonop is dit nie nodig om die snykop te ontkoppel en platbak te vervoer nie, wat selfs méér tyd en arbeid spaar wanneer jy tussen landerye beweeg. (Padbreedtebeperkings kan egter ’n uitdaging vir groter snykoppe inhou.)
Nuwe Ultra Glide™-veringstelsel
Tog is die M-reeks nie net bultende spiere nie; dit het ook ’n sagter kant danksy MacDon se nuwe Ultra Glide™-kajuitveringstelsel. Hierdie pasgemaakte onafhanklike vierhoekveringstelsel stabiliseer die kajuit en keer dat dit saam met die res van die masjien “rol en sny”, en verseker sodoende die egaligste rit wat jy waarskynlik ooit op ’n platsnyer sal beleef.
Maklike ontkoppeling vanuit die kajuit
Met MacDon se hidrouliese omkeerder (opsioneel vir M205- en M155-platsnyers) kan die operateur die snyer-en-kneuser en ander groot snykoponderdele op wurm- (awegaar-) en vervoerbandtafels in ’n japtrap ontkoppel sonder om die kajuit te verlaat.
Gerekenariseerde snybeheer met Harvest Manager Pro
Platsnyers in die M-reeks kom met ’n ten volle gerekenariseerde monitering- en snykopbeheerstelsel wat die operateur intydse lesings van snykopwerkverrigting en ander noodsaaklike inligting bied. Operateurs geniet ook maklike, intuïtiewe vingerpuntbeheer oor alle snykopfunksies, waaronder MacDon se uiters gewilde funksie “return-to-cut”, waarmee die operateur die snykop na presies dieselfde posisie kan laat terugkeer nadat dit gelig is.
Nuwe, verbeterde luginlaat-en-uitlaatstelsel
Om vir die groter enjin voorsiening te maak, spog die M205 en M155 met ’n algeheel herontwerpte luginlaat-en-uitlaatstelsel, waarvoor die platsnyer se bakwerk en kap ook aangepas is om beter lugvloei in die enjin moontlik te maak. Om met dié verbeteringe tred te hou, is die lugfilter boonop vergroot, wat die byvoordeel bied van langer tydintervalle tussen versienings.
Stel jy daarin belang om ’n MacDon M155 selfaangedrewe platsnyer aan te skaf?
Kontak Horton Griffiths by:
E-pos: hortong@overbergagri.co.za
Tel: 028 214 3821
Sel: 082 388 0040
