Geagte Overberg Agri-kliënte
Namate ons die einde van 2019 nader, wil ek elkeen van u vir u ondersteuning bedank. Geen van ons prestasies sou sonder u moontlik gewees het nie.
Dit is geen geringe prestasie om in ’n bedryf soos ons s’n vir meer as 100 jaar in bedryf te wees nie. Ons besigheid het soveel seëninge van God ontvang, en ek is opreg dankbaar daarvoor.
As ons op 2019 terugkyk, is ek seker ons stem saam dat hierdie jaar nie sonder uitdagings was nie. Die droogte en die ekonomie het beduidende spanning vir die landbousektor veroorsaak. Ek vertrou dat volgende jaar die begin van ’n nuwe, voorspoedige reis sal wees – vir u, vir u besigheid en vir ons land.
Ek word hierdie feesseisoen bemoedig deur die wete dat hoewel ons dalk nie weet wat die toekoms inhou nie, ons weet wie dit is wat in beheer van die toekoms is. Dit is die belangrikste versekering wat ons nodig het.
Namens ons uitvoerende span wil ek u en u gesinne ’n geseënde Kersfees en ’n baie voorspoedige nuwe jaar toewens – vol sukses, geluk en goeie gesondheid.
Ek sien daarna uit om in 2020 met u saam te werk.
Vriendelike groete
Francois Joubert
Besturende Direkteur: Overberg Agri
