Ruben Badenhorst, een van ons landbou-adviseurs, glo dat ‘n jong werknemer, met die regte ondersteuning, jou werkplek kan help floreer, nuwe vaardighede verskaf, en ‘n arbeidsmag vir die toekoms bou.
Ruben sê sy departement en maatskappy staan glad nie terug as dit kom by die opleiding van die jong generasie nie.
“Daar word elke jaar baie geld geïnvesteer in die jonger generasie, sodat hulle hul werk tot die beste van hul vermoë kan verrig. Die graan en produkte se personeel word gereeld gestuur op gewasgradeerings-kursusse,” sê hy.
Overberg Agri se landboukundiges het weer die geleentheid om verkskeie kursusse te voltooi wat hulle instaat stel om vir boere aanbevelings te gee sodat hulle goeie ekonomiese besluite kan maak.
“Dit stel ons ook in staat om produsente te raadpleeg om volhoubaar met vee en agronomiese gewasse te boer,” sê Ruben.
Sy departement gee ook vir hulle die geleentheid om op verskeie panele te dien wat vir hulle goeie blootstelling gee, wat hulle in staat stel om geleenthede in die mark raak te sien en probleme te identifiseer wat hulle dan kan probeer oplos.
